Viettel IDC ក្លាយជាដៃគូ VMware Cloud Service Provider Pinnacle Tier ក្នុងកម្មវិធី Broadcom Advantage Partner Program

Viettel IDC នឹងជួយអតិថិជនក្នុងការធ្វើទំនើបកម្មហេដ្ឋារចនាសម្ព័ន្ធ ជំរុញការច្នៃប្រឌិត

និងពង្រឹងសមត្ថភាពធន់នឹងហានិភ័យអាជីវកម្ម ជាមួយនិងសេវាកម្ម Managed VMware Cloud Foundation Services

Viettel IDC បានប្រកាសថា ឥឡូវនេះក្រុមហ៊ុនបានក្លាយជាដៃគូ VMware Cloud Service Provider (VCSP) Pinnacle tier ក្នុងកម្មវិធី Broadcom Advantage Partner Program សម្រាប់ទីផ្សារអាស៊ីអាគ្នេយ៍ ដើម្បីជួយអតិថិជនសហគ្រាសរួមគ្នាបង្កើតការច្នៃប្រឌិតថ្មីៗ តាមរយៈការប្រើប្រាស់ VMware Cloud Foundation (VCF) ជាហេដ្ឋារចនាសម្ព័ន្ធ cloud ឯកជនរបស់ពួកគេ។ Viettel IDC នាំមកនូវសេវាកម្មថ្មី managed VMware Cloud Foundation ជាហេដ្ឋារចនាសម្ព័ន្ធ cloud ឯកជន រួមមានសេវាកម្ម Sovereign Cloud ដែលគាំទ្រការរក្សាទិន្នន័យនៅក្នុងប្រទេស និងវិធានការគ្រប់គ្រងតំបន់/ច្បាប់ផ្សេងៗ។”

“ការក្លាយជាដៃគូក្នុងកម្រិតខ្ពស់បំផុតក្នុងកម្មវិធី Broadcom Advantage Partner Program ជាសក្ខីភាពមួយបង្ហាញពីសមត្ថភាពរបស់ Viettel IDC និងគូសបញ្ជាក់ពីការប្តេជ្ញាចិត្តរបស់យើងក្នុងការគាំទ្រដល់សហគ្រាសនៅក្នុងប្រទសវៀតណាម និងទូទាំងតំបន់អាស៊ីអាគ្នេយ៍។ ដោយប្រើប្រាស់ VMware Cloud Foundation 9.0 យើងមានគោលបំណងផ្តល់នូវសេវាកម្ម និងបច្ចេកវិទ្យាទំនើបៗ ដើម្បីជំរុញឱកាសអភិវឌ្ឍន៍។ លើសពីទីផ្សារក្នុងស្រុក Viettel IDC ក៏មានគោលបំណងពង្រីកវត្តមាននៅតំបន់អាស៊ីអាគ្នេយ៍ ការផ្សព្វផ្សាយបច្ចេកវិទ្យាវៀតណាមក្នុងតំបន់ និងផ្តល់សមត្ថភាពដល់សហគ្រាសក្នុងការបន្តរួមចំណែកក្នុងការផ្លាស់ប្តូរឌីជីថលរបស់ពួកគេ”​ លោក LE BA TAN អគ្គនាយករបស់ក្រុមហ៊ុន Viettel IDC បានមានប្រសាសន៍។

VMware Cloud Foundation គឺជាវេទិកាសម្រាប់ cloud ឯកជនទំនើប ដែលផ្តល់អតិថិជននូវគំរូប្រតិបត្តិការលើ Cloud មានភាពស្របតាមគ្នា គ្របដណ្តប់មជ្ឈមណ្ឌលទិន្នន័យទាំងអស់ edge និងហេដ្ឋារចនាសម្ព័ន្ធ Cloud ដែលមានការគ្រប់គ្រងពីដៃគូ VCSP។ VCF បញ្ចូលភាពលឿនរហ័ស និងសមត្ថភាពពង្រីករបស់ cloud សាធារណៈ ជាមួយនឹងសុវត្ថិភាព ប្រសិទ្ធភាព ការគ្រប់គ្រងរចនាសម្ព័ន្ធប្រព័ន្ធ និងអត្ថប្រយោជន៍នៃចំណាយសរុបក្នុងការប្រើប្រាស់របស់បរិយាកាស on-premises។ VCF ផ្តល់វេទិកាតែមួយគត់ ដែលគាំទ្រដល់កម្មវិធីទាំងអស់—ប្រព័ន្ធចាស់ ទំនើប ឬ AI—ជាមួយនឹងប្រតិបត្តិការដូចគ្នា ការគ្រប់គ្រង និងការត្រួតពិនិត្យទាំងអស់ក្នុងបរិយាកាស cloud ឯកជន។

“ក្នុងនាមជាដៃគូ Pinnacle បទពិសោធន៍ និងឥទ្ធិពលឧស្សាហកម្មរបស់ Viettel IDC នឹងមានតួនាទីសំខាន់ក្នុងការជួយជំរុញអតិថិជនឱ្យប្រើប្រាស់ cloud ឯកជនទំនើបមួយ។ ជាមួយ VCF អតិថិជនទទួលបានអត្ថប្រយោជន៍ពី cloud ឯកជនទំនើបមួយដែលជំរុញការច្នៃប្រឌិតគ្រប់គ្រងការចំណាយលើ cloud និងផ្តល់ភាពឯករាជ្យ និងសុវត្ថិភាព ដោយមានការគ្រប់គ្រងទិន្នន័យ ដែលជួយបង្កើនភាពស្របតាមច្បាប់ និងភាពធន់ទ្រាំសុវត្ថិភាពស៊ីប៊ែរ ដោយទូលំទូលាយ។ ដៃគូ Pinnacle VCSP យើងទុកចិត្ត ជួយអតិថិជនទទួលបានអត្ថប្រយោជន៍ពេញលេញពីវេទិកា VCF” លោក Vijoo Chacko ប្រធានផ្នែក VCSP Business តំបន់អាស៊ីប៉ាស៊ីហ្វិក និងជប៉ុន នៅ Broadcom បានមានប្រសាន៏។

Pinnacle គឺជាកម្មវិធីកម្រិតខ្ពស់បំផុតក្នុងកម្មវិធី Broadcom Advantage Partner។ ដៃគូ Pinnacle គឺជាដៃគូដែលមានការវិនិយោគយ៉ាងច្រើន និងមានយុទ្ធសាស្ត្រសំខាន់របស់ Broadcom ដែលមានវិញ្ញាបនបត្រជាច្រើន មានប្រវត្តិច្បាស់លាស់នៃការលក់ និងសេវាកម្មដែលទទួលបានជោគជ័យយ៉ាងសំខាន់ និងវិសាលភាពគ្របដណ្តប់ទូទាំងអន្តរជាតិ។ ការកាន់កាប់ស្ថានភាព Pinnacle បង្ហាញពីចំណេះដឹងបច្ចេកវិទ្យាដ៏ជ្រាលជ្រៅ និងសមត្ថភាពក្នុងការដោះស្រាយបញ្ហាអតិថិជនដ៏ស្មុគស្មាញ។

អំពី Viettel IDC

បានបង្កើតឡើងនៅឆ្នាំ 2008 Viettel IDC គឺជាក្រុមហ៊ុនផ្តល់សេវាកម្ម Data Center និង Cloud Computing ឈានមុខគេនៅប្រទេសវៀតណាម និងជាសមាជិកមួយរបស់ Viettel Group។ ជាមួយនិងបេសកកម្មមួយ ដើម្បីផ្តល់ហេដ្ឋារចនាសម្ព័ន្ធឌីជីថលថ្នាក់ពិភពលោក Viettel IDC បានមានតួនាទីសំខាន់ក្នុងការជួយសហគ្រាស អង្គភាពរដ្ឋ និងអង្គការនានា នៅទូរទាំងឧស្សាហកម្មចម្រុះ។

Viettel IDC ដំណើរការ Data Center ចំនួន 9 ដែលមានស្តង់ដារអន្តរជាតិ ដូចជា TIA-942, ISO 27001:2022, ISO 27017, ISO 27018 និង PCI DSS 4.0.1។ ជាមួយ SLA 99.99% ក្រុមហ៊ុនធានាការមានស្រាប់ខ្ពស់ សុវត្ថិភាព និងសមត្ថភាពធន់ ដល់សហគ្រាសរាប់ពាន់នៅប្រទេសវៀតណាម និងតំបន់។

ប្រព័ន្ធ Cloud ecosystem  របស់វា ដែលមានសេវាកម្មជិត ៦០ ប្រភេទ រួមមាន IaaS, PaaS, SaaS និង Managed Services ផ្តល់ដំណោះស្រាយដែលអាចពង្រីកបាន និងមានសុវត្ថិភាព ជួយអាជីវកម្មបង្កើនប្រសិទ្ធភាពក្នុងការចំណាយ ធ្វើឱ្យពេលវេលាដាក់ទំនិញឆាប់រហ័ស និងពង្រឹងសមត្ថភាពប្រកួតប្រជែងក្នុងសេដ្ឋកិច្ចឌីជីថល។

ក្នុងនាមជាដៃគូ Broadcom Pinnacle នៅអាស៊ីអាគ្នេយ៍ Viettel IDC បញ្ជាក់ពីទីតាំងរបស់ខ្លួនលើផែនទីបច្ចេកវិទ្យាតំបន់ ដោយផ្តល់នូវ VMware Cloud Foundation ជាសេវាកម្មដែលគ្រប់គ្រង និងគាំទ្រទៅកាន់ចក្ខុវិស័យ Sovereign Cloud។ ជំហានសំខាន់នេះក៏បន្ថែមកម្លាំងដល់យុទ្ធសាស្ត្រ “Go Global” របស់ក្រុមហ៊ុន ក្នុងការភ្ជាប់បច្ចេកវិទ្យាពិភពលោកជាមួយតម្រូវការអាជីវកម្មក្នុងស្រុក និងរួមចំណែកក្នុងការរីកចម្រើនសេដ្ឋកិច្ចឌីជីថលរបស់ប្រទសវៀតណាម។

Vcloudia គឺជាផ្នែកមួយនៃ Cloud ecosystem របស់ Viettel IDC ដែលបានអភិវឌ្ឍឡើងដោយផ្ទាល់សម្រាប់ទីផ្សារកម្ពុជា ប្រវត្តិបទពិសោធន៍ជាង 17 ឆ្នាំ ហេដ្ឋារចនាសម្ព័ន្ធស្តង់ដារអន្តរជាតិ បច្ចេកវិទ្យាស្នូលរបស់ Viettel IDC និងអត្ថប្រយោជន៍ពិសេសក្នុងនាមជាដៃគូ Broadcom Pinnacle របស់ Viettel IDC ដែលផ្តល់នូវដំណោះស្រាយ Cloud ដែលបត់បែនបាន សុវត្ថិភាព និងធ្វើឱ្យប្រសើរ សម្រាប់សហគ្រាសកម្ពុជាទាំងអស់។